| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.447 | Joseph. BJ 2.453 (English) | >>Joseph. BJ 2.459 |
2.451οἱ δὲ καὶ τὴν ἱκεσίαν ἁρπάσαντες ἀνέπεμψαν πρὸς αὐτοὺς Γωρίονά τε Νικομήδους υἱὸν καὶ Ἀνανίαν Σαδούκι καὶ Ἰούδαν Ἰωνάθου δεξιάν τε καὶ ὅρκους δώσοντας . ὧν γενομένων κατῆγεν τοὺς στρατιώτας ὁ Μετίλιος .
2.452οἱ δὲ μέχρι μὲν ἦσαν ἐν τοῖς ὅπλοις , οὔτʼ ἐπεχείρει τις τῶν στασιαστῶν αὐτοῖς οὔτʼ ἐνέφαινεν ἐπιβουλήν · ὡς δὲ κατὰ τὰς συνθήκας ἅπαντες ἀπέθεντο τοὺς θυρεοὺς καὶ τὰ ξίφη καὶ μηδὲν ἔτι ὑποπτεύοντες ἀνεχώρουν ,
2.453ὥρμησαν ἐπʼ αὐτοὺς οἱ περὶ τὸν Ἐλεάζαρον καὶ περισχόντες ἀνῄρουν οὔτε ἀμυνομένους οὔτε ἱκετεύοντας , μόνας δὲ τὰς συνθήκας καὶ τοὺς ὅρκους ἀναβοῶντας .
2.454οἱ μὲν οὖν οὕτως ὠμῶς ἀπεσφάγησαν ἅπαντες πλὴν Μετιλίου , τοῦτον γὰρ ἱκετεύσαντα καὶ μέχρι περιτομῆς ἰουδαΐσειν ὑποσχόμενον διέσωσαν μόνον , τὸ δὲ πάθος Ῥωμαίοις μὲν ἦν κοῦφον , ἐκ γὰρ ἀπλέτου δυνάμεως ἀπαναλώθησαν ὀλίγοι , Ἰουδαίων δὲ προοίμιον ἁλώσεως ἔδοξεν .
2.455καὶ κατιδόντες ἀνηκέστους μὲν ἤδη τὰς αἰτίας τοῦ πολέμου , τὴν δὲ πόλιν τηλικούτῳ μιάσματι πεφυρμένην ,
-- καὶ γὰρ δὴ σαββάτῳ συνέβη πραχθῆναι τὸν φόνον , ἐν ᾧ διὰ τὴν θρησκείαν καὶ τῶν ὁσίων ἔργων ἔχουσιν ἐκεχειρίαν .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.447 | Joseph. BJ 2.453 (English) | >>Joseph. BJ 2.459 |
